Цените на храната постојано растат, но дали е така на глобално ниво, има ли влијание увезената инфлација и зошто македонските граѓани се најпогодени со растот на цените во споредба со земјите од Западен Балкан.

Храната поскапува уште од 2020 година кога почна пандемијата со Ковид 19, но вистинскиот шок следеше по руската инвазија врз Украина во 2022 година која предизвика енергетска криза и ценовен скок за житарици, ѓубриво за земјоделството и суровини.

Карактеристично за македонски услови е што поскапувањето на храната е повисоко од просечната инфлација во последните кризни години. Највисоко е во 2022 година од 20.9 отсто, а инфлацијата тогаш изнесувала 14.2 отсто.