Голема дебата предизвика новиот предлог Закон за заштита од пушење кој треба да ги врати построгите одредби од законското решение во 2010 година кое беше практично анулирано со измените во 2018 година, особено со дозволата сите угостителски објекти да се претворат во „тераси“ каде ќе биде дозволено пушењето цигари и други тутунски производи.

Новиот закон предвидува и неколку нови построги одредби, практично сите јавни заеднички површини ќе бидат додадени на листата на забрана за пушење, а ќе бидат опфатени и казината и местата каде се приредуваат игри на среќа, но и приватните возила во кои се превезуваат малолетни деца.

Институтот за јавно здравје проценува дека над 800 илјади македонски граѓани се активни пушачи или над 40 отсто од населението, и дека секој трет тинејџер до 15 години има пробано цигара. 

Со новиот закон треба да се намали штетното влијание на цигарите кои на светско ниво се втор ризик фактор и причинител на смртни случаи, но и да се овозможи зголемена поддршка на програмите за одвикнување од цигари кои беа запоставени и дефинансирани во последните години