Во време кога вниманието најчесто е насочено кон економски и политички кризи, демографските промени остануваат во сенка. Сѐ помал број новородени, стареење на населението и континуирано иселување создаваат тренд што веќе ја преобликува реалноста во многу европски земји.

Според најновите проекции, Европската Унија би можела да изгуби над 50 милиони жители до крајот на векот, со најсилни последици во Јужна и Источна Европа. Овој пад не е само статистика, туку предизвик што директно влијае врз економијата, пазарот на труд, здравствените системи и одржливоста на пензиските фондови.