Голем интерес кај публиката за наградуваниот документарен филм „Приказната за Силјан“ на Тамара Котевска, кој продолжува да се прикажува низ кината во државата. Со над 1000 продадени влезници и вонредни проекции во Кинотеката на Македонија поради зголемена гледаност, филмот отвора универзални теми за идентитетот, наследството и човечката поврзаност.

По премиерата во Венеција и повеќето меѓународни признанија, „Силјан“ беше и македонски кандидат за Оскар, но не влезе во потесниот избор за номинација за академската награда, додека интересот кај домашната публика и понатаму не стивнува.