Të paktën 13 izraelitë janë vrarë dhe 1.929 të tjerë janë plagosur nga sulmet iraniane ndaj Izraelit që nga java e kaluar, njoftoi të dielën Ministria izraelite e Shëndetësisë.

Në një deklaratë të ministrisë thuhet se 157 persona janë plagosur nga sulmet iraniane gjatë 24 orëve të fundit.

Ministria sqaroi se 112 persona vazhdojnë të jenë të shtruar në spital, përfshirë nëntë në gjendje të rëndë.

Ajo u bëri thirrje izraelitëve të drejtohen drejt strehimoreve “me kujdes”, duke theksuar se disa persona janë plagosur teksa vraponin për të arritur në strehimore.

Përshkallëzimi rajonal u intensifikua pasi Izraeli dhe ShBA-ja nisën një sulm të përbashkët ndaj Iranit më 28 shkurt, ku u vranë më shumë se 1.200 persona, përfshirë Udhëheqësin Suprem Ali Khamenei, ndërsa mbi 10.000 të tjerë u plagosën.

Teherani u kundërpërgjigj me sulme me raketa dhe dronë që shënjestruan Izraelin dhe vendet e Gjirit ku ndodhen baza ushtarake amerikane.