Türkiye është një vend shembull ku të gjithë gëzojnë lirinë e fesë dhe të ndërgjegjes dhe ku mbizotëron respekti i ndërsjellë, tha të martën presidenti Recep Tayyip Erdoğan, ndërsa priti përfaqësues të pakicave fetare në vend për një darkë iftari në Ankara.
Duke iu drejtuar të pranishmëve në aktivitet, Erdoğan tha se komunitetet fetare mund të ruajnë institucionet e tyre në Türkiye.
“Islamofobia, e cila ka qenë në rritje vitet e fundit, kërcënon qartë si popullin tonë ashtu edhe kulturën e bashkëjetesës”, tha ai, duke shtuar: “Ashtu si islamofobia është një krim kundër njerëzimit, edhe antisemitizmi është një krim, një e keqe që nuk mund të konsiderohet e arsyeshme apo legjitime”.
Presidenti theksoi se Ankaraja nuk ka asnjë tolerancë për “organizata të errëta si Daesh/ISIS që bombardojnë xhami, kisha dhe sinagoga pa dallim, duke mos treguar respekt as për vendet e adhurimit”.
