Mbetjet e avionit të zjarrefikëses, në pronësi të Drejtorisë së Përgjithshme të Pyjeve të Türkiyes, i cili kishte humbur kontaktin në Kroaci, janë gjetur dhe piloti ka ndërruar jetë, bëri të ditur ministri i Bujqësisë dhe Pylltarisë, Ibrahim Yumaklı.

“Mbetjet e avionit të fikjes së zjarreve të Drejtorisë sonë të Përgjithshme të Pyjeve, që humbi kontaktin radio në Kroaci, janë gjetur pranë qytetit Senj. I lutem Allahut t’i mëshirojë pilotit tonë, i cili ra dëshmor në këtë aksident tragjik, dhe shpreh ngushëllimet dhe durimin tim për familjen e tij dhe të afërmit”, shkroi Yumaklı në platformën turke NSosyal.

Më herët, Ministria e Bujqësisë dhe Pylltarisë kishte njoftuar se ishte humbur kontakti me avionin e zjarrfikëses në pronësi të Drejtorisë së Përgjithshme të Pyjeve të Türkiyes në Kroaci.

“Sot, më 12 nëntor, në orën 10:24 sipas orës lokale, dy avionë të tipit AT802 në pronësi të Drejtorisë së Përgjithshme të Pyjeve u nisën nga Çanakkale për mirëmbajtje të planifikuar në Zagreb, Kroaci. Për shkak të kushteve të motit, të dy avionët kaluan natën në aeroportin e Rijekës. Më 13 nëntor 2025, në orën 17:38 sipas orës së Türkiyes, avionët u ngritën për në Aeroportin e Zagrebit, por u detyruan të kthehen për në Rijekë për shkak të kushteve të pafavorshme të motit. Gjatë kthimit, njëri avion u ul në mënyrë të sigurt në aeroportin e Rijekës, ndërsa në orën 18:25 u humb kontakti radio me avionin tjetër”, njoftoi ministria në X.