Американскиот потпретседател Џ.Д. Венс изјави дека поразот на изборите на унгарскиот премиер Виктор Орбан е многу лош за САД, но дека Вашингтон ќе соработува со новата влада на земјата.
„Секако знаевме дека има многу големи шанси Виктор да ги изгуби тие избори. Го направивме тоа затоа што тој е еден од ретките европски лидери што ги видовме кој е подготвен да се спротивстави на бирократијата во Брисел“, рече тој, осврнувајќи се на поддршката на САД за Орбан.
„Беше многу, многу лошо за САД“, рече Венс во интервју за Фокс њуз.
Тој го опиша Орбан како голем човек кој завршил многу добра работа, додавајќи дека неговото лидерство е трансформативно за Унгарија во изминатите 16 години.
Венс рече дека САД ќе соработуваат со новиот унгарски премиер.
„Жал ми е што изгуби. Сигурен сум дека ќе соработуваме многу добро со новиот унгарски премиер. Но, воопшто не беше лошо патување, затоа што вреди да се застане зад народот, дури и ако не ја победите секоја трка“, рече тој.
Венс ја посети Будимпешта пет дена пред гласањето и ги повика Унгарците да го поддржат Орбан, велејќи дека тој ги претставува нивните интереси.
Лидерот на опозициската партија Тиша Петер Маѓар оствари значителна предност пред Орбан на изборите во неделата, според првичните податоци на Националната изборна канцеларија, а досегашниот премиер го призна поразот.
