Presidenti i Venezuelës, Nicolas Maduro, deklaroi se vendi i tij kërkon paqe në Karaibe dhe hodhi poshtë “ambiciet imperialiste” të ShBA-së, të cilat sipas tij rrezikojnë stabilitetin rajonal.

“Ne nuk duam luftë në Karaibe apo Amerikën Latine, duam vetëm paqe,” tha Maduro në Caracas, duke akuzuar Uashingtonin për rritjen e pranisë ushtarake dhe përpjekje për të imponuar një “sistem të vetëm”.

Ai akuzoi gjithashtu CIA-n për ndërhyrje në vende si Afganistani, Iraku dhe Libia, duke u bërë thirrje vendeve të Amerikës Latine të qëndrojnë të bashkuara kundër ShBA-së.

Deklarata vjen në kohën kur aktiviteti ushtarak amerikan është rritur pranë ujërave të Venezuelës, pas një dekreti të presidentit Trump që autorizon vendosje më të gjerë të forcave amerikane. Si kundërpërgjigje, Maduro ka mobilizuar 4.5 milionë milicë për të mbrojtur vendin.