3 minuta leximi

Hidhet shorti për Botërorin 2026, kombëtaret e rajonit mësojnë grupet në rast të kualifikimit

Për herë të parë, 48 vende do të marrin pjesë në Kupën e Botës.

6 Dhjetor 2025

Është hedhur shorti për fazën e grupeve të Kampionatit Botëror FIFA 2026, ndërsa kombëtaret e vendeve të rajonit, të cilat ende garojnë në fazën e play-off-it për të siguruar një vend në kampionat, kanë mësuar kundërshtarët potencialë të grupeve në rast të kualifikimit.

Për herë të parë, 48 vende do të marrin pjesë në Kupën e Botës. Deri më tani, 42 vende kanë siguruar vendet e tyre. Nga gjashtë vendet e fundit kualifikuese, katër do të kualifikohen nga raundi play-off i kualifikimeve evropiane, ndërsa dy do të kualifikohen nga faza e eliminatoreve ndërkontinentale.

Në shortin e hedhur në kryeqytetin amerikan Washington, morën pjesë krerët e vendeve pritëse – SHBA-së, Kanadasë dhe Meksikës – presidenti Donald Trump, kryeministri Mark Carney dhe presidentja Claudia Sheinbaum, si dhe figura të larta nga bota e futbollit, duke përfshirë presidentin e FIFA-s, Gianni Infantino.

Në rast të kualifikimit, Kombëtarja e Shqipërisë mund të zë një vend në Grupin F, ku pas shortit janë vendosur Holanda, Japonia dhe Tunizia. Shqipëria në Rrugën B të play-off-it do të përballet me Poloninë si mysafir, ndërsa në finale mund të ketë përballë fituesin e ndeshjes Ukrainë-Suedi.

Kombëtarja e Kosovës do të përballet me Sllovakinë si mysafir në Rrugën C, ndërsa në rast të fitores, në finale do të ketë përballë fituesin e ndeshjes Turqi-Rumani. Në rast të kualifikimit në Botëror, Kosova do jetë në Grupin D, ku gjenden SHBA-ja, Paraguaji dhe Australia.

Sa i përket Maqedonisë së Veriut, ajo ka gjasa të jetë në Botëror në Grupin A së bashku me Meksikën, Afrikën e Jugut dhe Korenë e Jugut, nëse në gjysmëfinale të play-off-it në Rrugën D mposht Danimarkën si mysafir dhe më pas triumfuesin e përballjes Çeki Irlandë.

Ndeshjet gjysmëfinale të play-off-it për të siguruar biletë për Kampionatin Botëror do të zhvillohen në muajin mars të vitit të ardhshëm.

Përveç play-off-it evropian, FIFA ka përcaktuar edhe dy rrugë të play-off-it ndërkontinental, të cilat do të ofrojnë dy vende shtesë në Botëror. Në Rrugën e Parë, Kaledonia e Re përballet me Xhamajkën dhe fituesi ndeshet më pas me Republikën Demokratike të Kongos.

Ndërkaq, në Rrugën e Dytë, Bolivia do të ketë përballë Surinamin, ndërsa fituesi përballet me Irakun.

Botërori 2026 do të zhvillohet në SHBA, Kanada dhe Meksikë nga 11 qershori deri më 19 korrik 2026.

Grupet e Kampionatit Botëror 2026 pas hedhjes së shortit janë si më poshtë:

Grupi A

Meksikë, Afrika e Jugut, Koreja e Jugut, fituesi i playoff-it evropian D

Grupi B

Kanada, Katar, Zvicër, fituesi i playoff-it evropian A

Grupi C

Brazil, Marok, Haiti, Skoci

Grupi D

TË REKOMANDUARA