| Macedonian
„Само да ме погледне во очи“ - Иновација што носи надеж за децата со аутизам
Регион
„Само да ме погледне во очи“ - Иновација што носи надеж за децата со аутизам
Инспирирани од најдлабоката желба на секој родител на дете со аутизам клиничкиот логопед д-р Мулјаим Качка и Никола Тодоровски го создадоа „Глу дидактик“ иновативен асистивен уред.
 

Идејата произлезе од клиничката пракса, откако комбинацијата на звучен и светлосен стимулус поттикнала реакција кај девојче кое претходно воопшто не реагирала на сопственото име. 

По повеќегодишен развој, првичните тестирања на 12 пациенти покажаа извонредни резултати: контактот со очи и реакцијата на име скокнале од под 15% на над 80% при користење на уредот.

Уредот функционира преку безбедна и еколошка блутут-технологија без штетно зрачење, се користи едноставно со само едно копче и е подеднакво прилагоден за работа во ординации и во домашни услови.

Покрај асистивниот уред, д-р Качка ја разви и специјалната логопедска чаша (SLP Cup), која исто така настана во клинички услови како решение за отстранување на аномалиите и тренирање за правилен говор. 

Наместо традиционалните логопедски сонди, кои знаат да бидат стресни и непријатни за најмалите пациенти, оваа чаша го користи природниот рефлекс – со нанесување мед или крем на нејзините платформи, детето инстинктивно и без присила го вежба јазикот. Покрај децата, чашата наоѓа успешна примена и кај пациенти по мозочен удар или при тешкотии со голтање.

Целта на тимот е овие решенија да стигнат до логопедите, дефектолозите, градинките и здравствениот систем, бидејќи раната интервенција на возраст од една до три години носи најбрзи резултати и отвора пат за полесна социјализација на децата со аутизам или говорни препреки.

Повеќе видеа
Епизода 5 - Стари ѕидови, нов ритам
Дали нѐ чекаат високи сметки за струја?
Човекот кој готвеше тавче гравче за принцот Чарлс и јагнешко за емирот од Катар
Епизода 4 - Мапа од шеќер
Пасијата за електроника од мали нозе ја пренесуваат на новите генерации
Епизода 3 - Чаршијата во чинија
Што навистина работи еден синоптичар?
Ритамот на чаршијата: Епизода 2 - Раце што паметат
Настани кои го одбележаа владеењето на Вучиќ
Првиот Македонец кој ги истрча петте престижни европски маратони