Presidenti i shtetit palestinez Mahmoud Abbas i kërkoi ditën e enjte Asamblesë së Përgjithshme të Kombeve të Bashkuara të ndalojë luftën e Izraelit në Gaza, duke thënë se Izraeli e ka shkatërruar pothuajse tërësisht Gazën dhe se ajo nuk ishte më e përshtatshme për jetësë.
"Kjo çmenduri nuk mund të vazhdojë. E gjithë bota është përgjegjëse për atë që po ndodh me popullin tonë," i tha ai Asamblesë së Përgjithshme prej 193 anëtarësh.
Abbas shtoi gjithashtu se Izraeli, i cili refuzon të zbatojë rezolutat e OKB-së, nuk është i denjë për të jetë anëtar i kësaj organizate.
Ndërkaq, në lidhje me sulmet e Izraelit në Liban, Abbas tha se qeveria e Izraelit po kryen krim gjenocidi ndaj popullit libanez.
Lufta e Izraelit në Gaza, tashmë në ditën e saj të 356-të, ka vrarë të paktën 41.534 palestinezë. Përveç kësaj, mbi 620 njerëz janë vrarë që nga 23 shtatori në bombardimet e gjera të Izraelit në gjithë Libanin.
