Aksi rrugor Librazhd-Përrenja në Shqipëri do të hapet për qarkullim meditën e sotme, njoftoi Autoriteti Rrugor Shqiptar. Sipas tyre, qarkullimi do të kryhet përmes një devijimi provizor të ndërtuar ngjitur me gjurmën ekzistuese të rrugës, derisa të përfundohet plotësisht rruga alternative në shtratin e lumit Shkumbin, e cila është tashmë e publikuar dhe e integruar me trupin e hekurudhës. 

Segmenti provizor do të funksionojë me sinjalistikë kantieri dhe përkohësisht do të jetë i paasfaltuar, deri në stabilizimin e shtresave dhe kryerjen e asfaltimit final.

 ARRSh-ja apelon drejtuesit e mjeteve dhe banorët e zonës të respektojnë sinjalistikën dhe udhëzimet e Policisë Rrugore, për të garantuar një qarkullim të sigurt dhe pa rrezik për të gjithë përdoruesit e rrugës.

Rruga u prish si pasojë e rrëshqitjes së dheut që ndodhi disa ditë më parë, duke bllokuar qarkullimin dhe krijuar nevojën për devijim provizor.