Presidenti iranian Masoud Pazeshkian ka reaguar ndaj deklaratave të udhëheqësve amerikanë dhe izraelitë lidhur me mundësinë e një sulmi tjetër ndaj Iranit.
Pazeshkian në një deklaratë me shkrim në platformën sociale të kompanisë amerikane X tha se: "Përgjigjja e Republikës Islamike të Iranit ndaj çdo sulmi brutal do të jetë e ashpër dhe penduese".
Kryeministri izraelit Benjamin Netanyahu dje u takua me presidentin e ShBA-së, Donald Trump, gjatë vizitës së tij në Uashington. Duke iu përgjigjur pyetjes lidhur me mundësinë e një sulmi izraelit ndaj Iranit, Trump tha se "ishte i hapur për një skenar të tillë".
"Ata (Irani) i dinë pasojat e veprimeve të tyre. Ju e dini se pasojat do të jenë shumë të rënda, ndoshta edhe më të rënda se herën e fundit. Irani duhet të kishte bërë një marrëveshje me ne herën e fundit kur u dhashë mundësi", tha Trump.
