Përpjekjet e Türkiyes vazhdojnë për 14 qytetarë turq që ndodhen ende në paraburgim në Izrael pas sekuestrimit të anijeve të Flotiljes Globale Sumud, njoftoi të hënën Ministria e Jashtme e Türkiyes.

“Përpjekjet janë në vazhdim për të mundësuar kthimin e tyre në vendin tonë përmes Jordanisë nesër (7 tetor)”, tha zëdhënësi i ministrisë, Onçu Keçeli, në një deklaratë në platformën X, duke shtuar se hollësitë e mëtejshme të procesit pritet të sqarohen gjatë së hënës.

Të shtunën, 36 shtetas të tjerë turq, të cilët gjithashtu ndodheshin në anijet e sekuestruara, u kthyen në Türkiye me një fluturim të posaçëm.