Со официјална државна церемонија во Антикабир, мавзолејот во Анкара денеска во Туркије започна одбележувањето на 87 годишнијата од смртта на Мустафа Кемал Ататурк, основачот на Република Туркије.

Церемонијата започна со учество на турскиот претседател Реџеп Таип Ердоган, претседателот на парламентот Нуман Куртулмуш, членови на кабинетот, лидери на политички партии, високи судски функционери и воени команданти.

Ердоган положи венец од црвени и бели каранфили во облик на турското знаме на гробот на Ататурк.

Во 9:05 часот по локално време (06:05 GMT), точното време на смртта на Ататурк, учесниците му оддадоа почит на Ататурк со едноминутно молчење, по што следеше пеење на националната химна. За време на едноминутното молчење турското знаме беше спуштено на половина копје.

Подоцна, Ердоган и придружните службеници се упатија кон кулата Мисак-и Мили, каде што се потпиша во Спомен-книгата во Аниткабир, оддавајќи му почит на Ататурк и неговите соборци.

„Страсно ја заштитуваме Република Туркије, која вие ја нарековте ваше „најголемо дело“, и продолжуваме да го красиме секој дел од нашата земја со нови достигнувања. Под водство на компетентни и квалификувани кадри, Турција напредува со сигурни чекори на својот пат кон тоа да стане глобална сила“, напиша Ердоган.

Ататурк беше прв претседател на републиката до 10 ноември 1938 година, кога почина во Истанбул на 57-годишна возраст од цироза.

Турскиот народ традиционално го посетува мавзолејот на Ататурк секој 10 ноември за да му оддаде почит на основачот на нацијата.