Албанија ја укина привремената едногодишна забрана за пристап до платформата TikTok, објавија локалните медиуми во четврток.

Албанскиот совет на министри ја поддржа одлуката за укинување на привремената мерка со која се ограничува пристапот до платформата TикТок во земјата, наведувајќи дека „прашањата во областа на јавната и социјалната безбедност во дигиталната средина веќе се решени“, објавија локалните медиуми.

Одлуката, потпишана во вторник, му наложува на Националниот орган за кибербезбедност да ја суспендира примената на претходно воведените технички мерки, кои ќе овозможат целосен пристап до платформата.

Албанија го забрани пристапот до платформата TикТок во март 2025 година по трагичното убиство на 14-годишниот Мартин Цани во близина на училиштето Фан Ноли од негов врсник.

„Социјалните мрежи, особено ТикТок и Снепчет, секојдневно ги влечат нашите деца во своите лавиринти уште од мали нозе“, изјави албанскиот премиер Еди Рама во медиумско појавување по убиството во Тирана.

Одлуката за укинување на забраната за ТикТок ќе стапи на сила по објавувањето во „Службен весник“, по што албанските граѓани повторно ќе можат да ја користат платформата.