Целосната приказна со богатото нумизматичко минато се заокружува со симболите на банкнотите и монетите на македонскиот денар кои практично сите може да се најдат на едно место, а тоа е Археолошкиот музеј во Скопје.

Во минатото главни симболи на парите биле вистински или митолошки животни кои биле карактеристични за одредени региони, а многу често и владетелите го вметнувале нивниот лик на кованите пари за да ја зацврстат својата власт.

Денес, дизајнот на македонскиот денар е претежно инспириран од богатото археолошко наследство, со предмети кои се со временски опсег од неолитот до доцниот среден век.

Секоја банкнота, од 10, 50, 100, 200, 500, 1000 и 2000 денари раскажува посебна приказна.