„Јасир Асани и Стефан Ашковски: Приказна што обединува“, „Асани ми го спаси животот“... Ова се само дел од медиумските наслови што го освоија регионот откако македонскиот фудбалски репрезентативец Стефан Ашковски откри дека успеал да излезе од Иран со помош на албанскиот фудбалски репрезентативец Јасир Асани за време на воздушните напади на САД и Израел врз Иран.

Ашковски откри дека неговото патување било полно со предизвици, но сепак имало среќен крај. Македонскиот фудбалски репрезентативец премина во Иран од јануари оваа година, каде што играше за фудбалскиот клуб Мес Рафсанџан, додека албанскиот фудбалски репрезентативец Јасир Асани, од минатото лето до неодамнешните напади врз Иран, настапуваше за иранскиот Естеглал.