Presidenti i Serbisë, Aleksandar Vuçiq, e vlerësoi si "të mirë dhe domethënës" takimin e tij me kryeministrin izraelit, Benjamin Netanyahu.

Vuçiq u takua me Netanyahun në Nju Jork, ku po zhvillohet sesioni i 80-të i Asamblesë së Përgjithshme të Kombeve të Bashkuara.

Pas takimit, presidenti serb shkroi në rrjetet sociale se ka pasur një "takim të mirë dhe domethënës" me kryeministrin izraelit.

"Veçanërisht e rëndësishme ishte që ngritëm çështjen e arritjes së një marrëveshjeje për tregti të lirë ndërmjet Serbisë dhe Izraelit, gjë që do të përbënte një hap të madh në zhvillimin e marrëdhënieve tona në të ardhmen", shkroi Vuçiq.

Ndërkohë, ndërsa gjenocidi në Rripin e Gazës po vazhdon, shumë media shkruajnë për tregti armësh midis Izraelit dhe Serbisë.