Polonia nuk do të dërgojë ushtarë në Grenlandë, tha kryeministri i vendit në një konferencë për shtyp të enjten.

Duke folur në Varshavë, Donald Tusk tha se një sulm nga një vend i NATO-s në territorin e një tjetri do të ishte "fundi i botës siç e njohim ne", raportoi transmetuesi publik polak TVP World.

Grenlanda, një territor vetëqeverisës brenda Mbretërisë së Danimarkës, ka tërhequr interesin e SHBA-së për shkak të vendndodhjes strategjike dhe burimeve të mëdha minerale, si dhe shqetësimeve të dyshuara në lidhje me rritjen e aktivitetit rus dhe kinez.

Danimarka dhe Grenlanda kanë hedhur poshtë propozimet për ta shitur territorin, duke e riafirmuar sovranitetin danez mbi ishullin.

Danimarka, Suedia dhe Gjermania po rrisin praninë e tyre ushtarake në Grenlandë përmes ushtrimeve dhe misioneve të zbulimit, ndërsa presidenti i ShBA-së, Donald Trump, ka këmbëngulur që territori duhet të jetë "në duart e ShBA-së" për t'iu kundërvënë Rusisë dhe Kinës.

Pas një takimi në Shtëpinë e Bardhë të mërkurën, ministri i Jashtëm danez, Lars Lokke Rasmussen, tha se diskutimi i tyre nuk kishte arritur ta ndryshonte qëndrimin amerikan.