Американскиот технолошки милијардер Илон Маск во вторникот го опиша претресот спроведен од француските власти во париските канцеларии на неговата платформа за социјални медиуми X како „политички напад“.

Коментарите на Маск дојдоа по соопштението од Одделот за глобални владини работи на X, во кое се вели дека претресот е извршен „во врска со политизирана кривична истрага за наводна манипулација со алгоритми и наводно лажно извлекување податоци“.

„Разочарани сме од овој развој на настаните, но не сме изненадени“, вели Маск.

Според него, Јавното обвинителство на Париз „очигледно се обидува да изврши притисок врз вишиот менаџмент на X во Соединетите Држави со насочување кон нашиот француски субјект и вработени, кои не се во фокусот на оваа истрага“.

Единицата за сајбер криминал на парискиот обвинител во вторникот објави дека ги претресла француските простории на X како дел од тековната истрага.

Истрагата, отворена во јануари 2025 година, се фокусира на алгоритамските операции на платформата.

ОПд обвинителството информираа дека Маск и поранешната извршна директорка на X, Линда Јакарино, биле повикани да се појават на сослушувањата на 20 април како дел од истрагата.