Хамас во понеделник соопшти дека четири лица кои шпионирале за Израел биле убиени во северниот дел на Појасот Газа.

„Четири шпиони кои работеа за непријателскиот Израел и се обидоа да киднапираат член на Хамас беа елиминирани во градот Газа“, се вели во соопштението на военото крило на групата, Бригадите Касам, објавено на официјалниот канал на Телеграм.

Нивното оружје е конфискувано, додаде Хамас, без дополнително да ги открие нивните идентитети.

Од израелската армија немаше непсореден коментар по соопштението .

Од октомври 2023 година, израелската армија уби повеќе од 70.000 луѓе во Газа, претежно жени и деца, и повреди повеќе од 170.900 луѓе во двегодишната војна што го остави поголемиот дел од енклавата во урнатини.