Европската Унија ќе го повика претставникот на Русија во Унијата на разговори како одговор на нападите врз Киев, во кои беа оштетени бројни дипломатски објекти, вклучувајќи европски и неевропски амбасади, изјави вчера високата претставничка на Европската Унија за надворешна политика и безбедност, Каја Калас.
Таа на X, објави дека додека рускиот претседател Владимир Путин „шетал по црвениот тепих“ во Кина, по повод важната трилатерална средба со претседателите на Кина и САД, Русија извршила напад врз Киев, како резултат на што е предизвикана материјална штета на неколку европски и неевропски амбасади.
„Дипломатските објекти се заштитени со меѓународното право. Непочитувањето на тој закон од страна на Русија е видливо секој ден.“
Калас вети понатамошно зголемување на помошта за Украина и притисок врз Русија за прекин на војната, која започна во 2022 година.











