Aktivistja suedeze për ndryshimet klimatike, Greta Thunberg, e cila në mënyrë të papritur mori pjesë në protestën propalestineze që u mbajt në qendrën e qytetit Leipzig, tha se askush nuk duhet të qëndrojë i heshtur "përballë gjenocidit".

Aktivistja 21-vjeçare, madje vendosi edhe keffiyeh në mbështetje të Palestinës, duke i cilësuar sulmet e Izraelit si "gjenocid".

"Ne gjithmonë duhet të ngrihemi dhe të ngremë zërin kundër persekutimit, imperializmit, luftës dhe çdo lloji diskriminimi dhe racizmi. Të qëndrosh pranë Palestinës është të jesh njeri. Nuk duhet të lejojmë kurrë të na bëjnë të heshtim", deklaroi Thunberg.

Kjo nuk është hera e parë që Thunberg ka dhënë mbështetje ndaj Palestinës për sulmet e Izraelit në Gaza, edhe pse u kritikua në mënyrë intensive nga disa qarqe në Gjermani.