Presidenti i Türkiyes, Recep Tayyip Erdoğan, të enjten ka vlerësuar mediat turke për qëndrimin e tyre “të guximshëm” në pasqyrimin e së vërtetës së asaj që po ndodh në Gaza.

“Para gjenocidit në Gaza, mediat turke, veçanërisht TRT-ja dhe Anadolu, kanë marrë vërtet një qëndrim të guximshëm”, tha presidenti turk në një fjalim gjatë një ceremonie çmimesh për kulturën dhe artin në Ankara.

Duke vlerësuar fotoreporterin e Anadolus, Ali Jadallah, Erdoğan tha: “Ajo që pasqyrohet përmes objektivit të tij jo vetëm që zbulon përmasat e tmerrshme të masakrës në Gaza, por edhe e sjell rezistencën e drejtë të popullit palestinez në vëmendjen e botës”.

“Vëllai ynë Ali, i cili ekspozoi gjenocidin brutal në Gaza dhe përballi me të vërtetën botën e ashtuquajtur të civilizuar, shërben si fotoreporter për agjencinë tonë Anadolu”, u shpreh ai.