“Forcat amerikane eliminuan disa mjete detare iraniane më 10 mars, përfshirë 16 anije minavënëse pranë Ngushticës së Hormuzit”, njoftoi të martën Komanda Qendrore Amerikane (CENTCOM) përmes një postimi në platformën e rrjeteve sociale amerikane “X”.
Më vonë, CENTCOM-i shtoi në “X” se "qindra asete ajrore po vazhdojnë të projektojnë forcë luftarake të madhe kundër regjimit iranian gjatë operacionit «Furia Epike»".
Të martën, Presidenti i ShBA-së, Donald Trump, deklaroi se forcat amerikane kishin shkatërruar 10 anije minavënëse iraniane në ngushticën kyçe brenda pak minutash nga paralajmërimi i tij se Irani do të përballej me pasoja ushtarake të pashembullta nëse nuk do të hiqte minat nga rruga ujore.
Sekretari amerikan i Mbrojtjes, Pete Hegseth, tha se CENTCOM-i i kishte eliminuar anijet "me saktësi të pamëshirshme" sipas udhëzimeve të Trumpit.
"Ne nuk do t'i lejojmë terroristët të mbajnë peng Ngushticën e Hormuzit", shkroi Hegsethi në rrjetin social “X”, duke shtuar se Irani ishte "njoftuar zyrtarisht".
