Ushtria izraelite ndërmori një valë të re sulmesh ajrore dhe bombardime artilerie në zonat e kontrolluara nga ushtria në veri dhe jug të Rripit të Gazës, duke shkelur një armëpushim tashmë të brishtë në territorin e pushtuar.

Dëshmitarët i thanë Anadolus se forcat izraelite kryen sulme intensive ajrore në pjesët perëndimore të qytetit jugor Rafah, ndërsa artileria izraelite goditi zonat lindore.

Anijet luftarake izraelite hapën zjarr nga deti drejt Khan Younisit, duke shkaktuar panik mes të zhvendosurve në zonë.

Në veri të Gazës, ushtria izraelite ndërmori operacione shkatërrimi brenda lagjes Shuxhaja, në lindje të qytetit të Gazës, mes fluturimeve intensive të dronëve mbi hapësirën ajrore të zonës.

Sulmet e fundit vijnë pavarësisht një marrëveshjeje armëpushimi që hyri në fuqi në Gaza më 10 tetor nën planin e Trumpit, duke ndalur dy vite të genocidit izraelit që ka vrarë më shumë se 70.000 njerëz,  kryesisht gra dhe fëmijë  dhe ka plagosur gati 171.000 të tjerë që nga tetori 2023.

Sipas Ministrisë së Shëndetësisë së Gazës, të paktën 376 palestinezë janë vrarë që nga 10 tetori nga shkeljet izraelite të armëpushimit në enklavë.