Presidenti sirian, Ahmed al-Sharaa, ka diskutuar zhvillimet në Siri dhe në rajonin më të gjerë në një bisedë telefonike me Masoud Barzanin, udhëheqësin e Partisë Demokratike të Kurdistanit në Irakun verior.

Presidenca siriane njoftoi se Sharaa dhe Barzani në bisedën telefonike shqyrtuan zhvillimet e fundit në Siri dhe çështjet rajonale, duke theksuar rëndësinë e rritjes së stabilitetit dhe bashkëpunimit të ndërsjellë.

Sharaa theksoi se "kurdët janë një komponent integral dhe thelbësor i shoqërisë siriane", duke riafirmuar angazhimin e plotë të shtetit për t’i garantuar të drejtat e tyre kombëtare, politike dhe civile në një bazë të barabartë me të gjithë sirianët, pa diskriminim.

Barzani përshëndeti komentet e presidentit sirian, duke shprehur vlerësim për vizionin dhe mbështetje për aspiratat e sirianëve për të ndërtuar një shtet gjithëpërfshirës për të gjithë qytetarët e tij.

Dje, qeveria siriane në një deklaratë të veçantë tha se kurdët janë një “komponent themelor dhe autentik” i popullit sirian.

Qeveria ka intensifikuar përpjekjet për ta ruajtur sigurinë në të gjithë vendin që nga rrëzimi i regjimit të Bashar al-Assadit në dhjetor të vitit 2024, pas 24 vitesh në pushtet.