Bashkëpunimi në industrinë e mbrojtjes mes Türkiyes dhe ShBA-së duhet të çlirohet nga pengesat dhe kufizimet sa më shpejt të jetë e mundur, në përputhje me frymën e aleancës, ka thënë Presidenti Recep Tayyip Erdoğan.
Objektivi i shkëmbimeve tregtare prej 100 miliardë dollarësh mes Türkiyes dhe ShBA-së “vazhdon të jetë objektivi ynë i përbashkët,” ka deklaruar Presidenti Recep Tayyip Erdoğan.
Duke folur në një konferencë investimesh turke në Nju Jork, e organizuar të hënën nga Këshilli i Biznesit Türkiye-ShBA, Erdoğan tha se beson që Ankaraja dhe Uashingtoni do ta arrijnë objektivin prej 100 miliardë dollarësh në tregti me mbështetjen e sektorit privat dhe iniciativave të reja investuese.
Bashkëpunimi në industrinë e mbrojtjes Türkiye-ShBA duhet të çlirohet nga pengesat dhe kufizimet sa më shpejt të jetë e mundur, në përputhje me frymën e aleancës, tha ai.
“Ne presim që vrulli në marrëdhëniet dypalëshe të përshpejtohet duke eksploruar mundësi bashkëpunimi në sektorë që përfshijnë energjinë, sigurinë kibernetike dhe hapësirën”, theksoi Erdoğan.
“Ne vazhdojmë të ndërmarrim hapa për të forcuar një mjedis tregu transparent, konkurrues dhe të sigurt, që do ta bëjë Türkiyen më tërheqëse për investitorët”, shtoi ai.
Infrastruktura e fortë logjistike e Türkiye, portet moderne dhe rrjetet e përparuara rrugore dhe hekurudhore e bëjnë atë një nyje strategjike për investitorët, shtoi ai.
