Presidenti turk, Recep Tayyip Erdoğan, ka deklaruar se Türkiye shpreson që vendimet e ardhshme nga vende të ndryshme për ta njohur shtetin e Palestinës do të përshpejtojnë zbatimin e një zgjidhje me dy shtete.

“Ajo që e bën Asamblenë e Përgjithshme të OKB-së të kësaj jave ndryshe nga ato të mëparshme është se shumë vende do ta njohin shtetin e Palestinës”, u tha Erdoğan gazetarëve në Istanbul përpara nisjes së tij për në samitin e Asamblesë së Përgjithshme në Nju Jork.

Lidhur me pjesëmarrjen e presidentit sirian, Ahmad al-Sharaa, në Asamblenë e Përgjithshme të këtij viti, presidenti turk tha se Ankaraja nuk do ta braktisë Damaskun dhe do t'i përdorë të gjitha mjetet në dispozicion çdo ditë për të ndihmuar në forcimin e fqinjit të saj.

Presidenti turk gjithashtu njoftoi se do të ketë mundësinë të takohet me presidentin sirian në Qendrën Turkevi në Nju Jork gjatë Asamblesë së Përgjithshme.