Presidenti Recep Tayyip Erdoğan tha se Türkiye është në konsultime me presidentin e ShBA-së Donald Trump dhe ekipin e tij mbi zhvillimet rajonale, veçanërisht krizën në Gaza, luftën Rusi-Ukrainë dhe Sirinë.
Në mandatin e dytë të Trumpit, “kontaktet tona janë intensifikuar dhe dialogu institucional ka fituar vrull”, tha Erdoğan gjatë fjalimit të tij në një darkë të organizuar nga Komiteti Drejtues Kombëtar Turko-Amerikan (TASC) në Nju Jork.
“Falë miqësisë sime të gjatë me Trumpin, ne kemi zhvilluar një vullnet të ndërsjellë për të zgjidhur çështje të caktuara në agjendën tonë”, shtoi ai.
Presidenti Erdoğan shprehu gjithashtu besimin e tij se forca e komunitetit mysliman në ShBA do të jetë një “burim besimi dhe guximi për të gjithë myslimanët në mbarë botën”.
