Ministri i Jashtëm i Türkiyes, Hakan Fidan, u takua veçmas me homologun e tij saudit, princin Faisal bin Farhan Al Saud, dhe me homologen australiane, Penny Wong, në Qendrën Turkevi në Nju Jork, njoftoi Ministria e Jashtme e Türkiyes.

Takimet u zhvilluan të hënën në Qendrën Turkevi, e njohur edhe si “Shtëpia Turke”, sipas deklaratës së ministrisë të publikuar në platformën turke NSosyal.

Zyrtarë të lartë turq, përfshirë presidentin Recep Tayyip Erdoğan dhe ministrin Fidan, ndodhen në Nju Jork ndërsa liderët botërorë mblidhen për sesionin e 80-të të Asamblesë së Përgjithshme të OKB-së, që do të mbahet nga 23 deri më 29 shtator.