Presidenti dhe Drejtori Ekzekutiv i Agjencisë Anadolu, Serdar Karagöz, së bashku me një delegacion vizituan sot Anëtkabirin, mauzoleumin e Mustafa Kemal Ataturkut, themeluesit të Türkiyes moderne, teksa agjencia shënon 105-vjetorin e themelimit.

I shoqëruar me një delegacion duke përfshirë zëvendësdrejtorët e përgjithshëm Yusuf Ozhan dhe Oğuz Enis Peru, Koordinatorin e Publikimeve dhe Produksioneve të Anadolut, Oğuz Karakaş, Koordinatorin e Akademisë dhe Publikimeve Yahya Bostan dhe punonjës të tjerë, Karagöz vendosi kurorë me karafila kuq e bardhë dhe gjithashtu shkroi një shënim të veçantë në librin përkujtimor.

“Ndërsa agjencia jonë ka kryer aktivitetet e saj si “Lajmëtar i Republikës” në vitet e para të Republikës, sot ajo është kthyer në një organizatë mediatike globale me vizionin “Raportuesi i Botës në Ndryshim”“, ka shkruar ai.

"Si Anadolu, ne vazhduam të dokumentojmë të gjitha aspektet e gjenocidit çnjerëzor të nisur nga qeveria izraelite në Rripin e Gazës dhe t'ia përcjellim atë opinionit publik ndërkombëtar. Librat “Dëshmia” dhe “Dëshmitari”, të cilat i botuam në këtë proces, u bënë burimet kryesore që zbuluan krimet e luftës të Izraelit”, ka shtuar Karagöz.

Ai tha se "viti 2024 ishte i rëndësishëm jo vetëm për suksesin tonë global në gazetari, por edhe për kënaqësinë e punonjësve”, duke shtuar se agjencia është shpërblyer me “Certifikatën e Përvojës Shumë të Mirë të Punonjësve” nga kompania e pavarur “Happy Place to Work”.

Ai ka përkutjuar edhe themeluesin e Republikës, Ataturkun, dhe dëshmorët e tjerë të pavarësisë së Türkiyes.