Presidenti ukrainas Volodymyr Zelenskyy tha se "pikat shkatërruese" janë hequr nga drafti i një marrëveshjeje paqeje mbi zgjidhjen ukrainase.

Në një deklaratë në Telegram të hënën vonë, Zelenskyy vlerësoi takimin e tij me një delegacion amerikan të udhëhequr nga i dërguari special, Steve Witkoff dhe Jared Kushner, këshilltar jozyrtar i presidentit Donald Trump në Berlin, duke thënë se ata kanë "mësuar të gjitha detajet rreth luftës".

"Pa kushte, ne kemi qëndrime të ndryshme me Rusinë për sa i përket territoreve. Ne duhet ta kuptojmë këtë dhe të flasim hapur për të. Mendoj se pala amerikane, si ndërmjetëse do të propozojë hapa të ndryshme për të gjetur të paktën një lloj konsensusi", tha ai.

Zelenskyy shtoi se ai këmbënguli në sqarimin e çështjeve të kompensimit dhe financimit për restaurimin e Ukrainës. "Është e nevojshme të kuptohet burimi i këtij financimi", tha ai.

Lidhur me garancitë e sigurisë, ai tha se diskutimet janë duke vazhduar. "Tani ne thjesht po punojmë për ta bërë të gjithë këtë të qartë. Dhe kemi përparim në këtë drejtim", shtoi ai.

Zelenskyy thekson se "detajet nga ushtria mbi të cilat ata kanë punuar duken shumë mirë, megjithëse ky është drafti i parë".