Presidenti i ShBA-së, Donald Trump, deklaroi të hënën se ka zhvilluar një bisedë telefonike “shumë të mirë” me sekretarin e përgjithshëm të NATO, Mark Rutte, lidhur me Grenlanda.
“Ramë dakord për një takim të palëve të ndryshme në Davos, Zvicër. Siç ua shpreha të gjithëve shumë qartë, Grenlanda është thelbësore për sigurinë kombëtare dhe botërore. Nuk ka kthim pas — për këtë, të gjithë bien dakord!” shkroi Trump në platformën Truth Social.
Trump ka deklaruar se ShBA-ja duhet ta sigurojë Grenlandën për arsye të sigurisë kombëtare dhe për të penguar rivalët në Arktik. Ai gjithashtu ka kërcënuar me tarifa ndaj aleatëve evropianë që kundërshtojnë kontrollin amerikan mbi Grenlandën dhe ka dërguar një numër të vogël trupash në territor.
Si Danimarka, ashtu edhe autoritetet e Grenlandës kanë hedhur poshtë çdo propozim për shitjen e territorit.
