Во Албанија се одржа протест под мотото „Народот против корупцијата и сиромаштијата“. Стотици граѓани протестираа пред Собранието на Албанија во Тирана, за време на парламентарната седница, на која беше планирано да се одобри и буџетот за 2026 година.

Протестот беше организиран од опозициското Движење Заедно, со барања за „разрешување на премиерот Еди Рама и вицепремиерката Белинда Балуку“, која е суспендирана од должност.

За време на протестот, активистите и граѓаните истакнаа транспаренти со пораки против Владата на Албанија и нејзините претставници, според како што кажаа случаи на корупција и против нацрт-буџетот за 2026 година.

Според организаторите, тие бараат и воспоставување минимална плата за живот како основа за зголемување на пензиите и одобрување на статусот на рударите.

Демонстрантите нагласија дека бараат зголемување на буџетот за образование и здравство на 4 проценти и 5 проценти од бруто домашниот производ (БДП).

Потсетуваме дека Специјалниот првостепен суд за корупција и организиран криминал (GJKKO) на 19 ноември одлучи да ја суспендира вицепремиерката и министерка за инфраструктура и енергетика, Белинда Балуку, од нејзината функција, а исто така ѝ изрече и „забрана за напуштање на земјата“.

Според властите, таа е обвинета за кривично дело „повреда на рамноправноста на учесниците во тендери или јавни аукции“, додека спорното прашање предизвика реакции од опозициските политички партии и активисти.

Случајот Владата на Албанија го достави до Уставниот суд, кој се спротивставува на суспензијата.