Претседателот на Украина, Володимир Зеленски, изјави дека синоќа Русија лансирала повеќе од 30 ракети и над 450 дронови врз витална инфраструктура во Украина.

Според него, повеќе од 20 лица се повредени, а едно дете е убиено во Запорожје.

Зеленски на Фејсбук објави дека последиците од рускиот напад врз енергетскиот сектор врз многу важни инфраструктурни објекти во моментов се санираат.

„Циничен и пресметан напад: над 450 дронови и повеќе од триесетина ракети против сè што обезбедува нормален живот и од што Русите сакаат да нè лишат. Во Киев, екипите работат на враќање на снабдувањето со електрична енергија и вода, се вели во соопштението“, рече Зеленски.

Прекини на електрична енергија има во регионите Киев, Донецк, Чернихив, Черкаси, Харков, Суми, Полтава, Одеса и Дњепарк.

Регионите Запорожје, Кировоград и Херсон исто така се обновуваат по нападот, рече украинскиот претседател.

Поради последиците од масовниот руски напад врз енергетскиот сектор, денес во некои региони на Украина се спроведуваат итни прекини на електричната енергија, објави компанијата „Укренерго“ на Фејсбук.

Во текот на ноќта, руската армија масовно ја нападна Украина со беспилотни летала и ракети, а цел беа термоцентралите на украинската „Електропривреда ДТЕК“.