Повеќе од 20.000 грчки студенти протестираа во четвртокот во Атина против планот на владата да дозволи отворање на приватни универзитети.

Студенти од различни градови дојдоа во Атина на протест против владиниот план на конзервативната партија Нова демократија.

Многумина носеа транспаренти и ги скандираа пароли против приватните универзитети, заговарајќи поддршка за бесплатно јавно образование за сите.

На собирот присуствуваа левичарските партии, вклучително и ККЕ и МеРа25 и други помали вонпарламентарни партии, синдикати и занаетчиски синдикати, како и академски кадар од различни универзитети.

Иако митингот беше мирен, по неговото завршување дојде до судири меѓу група анархисти и полицијата.

Полицијата одговорила со солзавец кон групата која фрлала молотови коктели и запалила контејнери за ѓубре.

Во меѓувреме, повеќе од 200 згради на универзитетски факултети низ целата земја остануваат окупирани од студентите кои протестираат, поради што некои универзитети одржуваат настава преку Интернет.

Се очекува парламентот да гласа за владиниот предлог-закон за реформи во образованието подоцна овој месец.