Најмалку шест пакистански војници се убиени во напади на милитанти во северозападната покраина Хајбер Пахтунхва, соопшти локалната полиција.

Нападите се случија во областа Манато во округот Курам доцна попладне во понеделник, изјави телефонски за Анадолија висок полициски службеник.

„Добивме извештаи дека шест војници загинале како маченици, а двајца други биле повредени, додека десетина милитанти биле убиени“, рече тој, додавајќи дека војската го опколила подрачјето и дека полицијата сè уште не можела да стигне до местото.

Безбедносните сили, исто така, убија и локален командант на милитантите, идентификуван како Усман Хајбери.

Сепак, војската сè уште не издаде никакво соопштение во врска со најновиот напад врз нејзиниот персонал во областите во близина на границата со Авганистан.

Јужните области на провинцијата Хајбер-Пахтунхва долго време се соочуваат со милитантни напади, и забележан е пораст на нападите во последните години.