Турскиот претседател Реџеп Таип Ердоган денеска изјави дека неговата земја е блиску до достигнување на целта од 6 милијарди долари трговск размена, договорена претходно со унгарскиот премиер Виктор Орбан.
Зборувајќи на заедничката прес-конференција со Орбан во Истанбул, Ердоган рече дека разговарале за ажурирање на нивната цел за обем на трговија од 10 милијарди долари, земајќи го предвид силниот потенцијал меѓу двете страни.
„Спроведовме 28 заеднички акции, доделивме ресурси за заеднички проекти“ во 2025 година, која беше прогласена за Година на наука и иновации меѓу Туркије и Унгарија, додаде Ердоган.
Унгарскиот премиер Виктор Орбан ја пофали регионалната улога на Туркије и дипломатските напори на турскиот претседател Реџеп Таип Ердоган, велејќи дека турскиот свет се појавува како динамична и зајакнувачка сила.
Зборувајќи заедно со турскиот претседател на прес-конференција во Истанбул, Орбан рече дека Ердоган му рекол дека доаѓа поинаков свет и дека туркискиот свет ќе собере голема енергија и дека забележал голема визија зад концептот на „туркиски век“.
Унгарскиот премиер, исто така рече дека ги цени напорите на Туркије за ставање крај на војната меѓу Русија и Украина, опишувајќи го Ердоган како „единствениот успешен посредник“ во процесот.
Прес-конференцијата се одржа по состанокот на лидерите. Орбан е во посета на Туркије за да присуствува на 7-миот состанок на Советот за стратешка соработка на високо ниво меѓу Туркије и Унгарија.
