Приходите на Русија од нафта и гас се намалиле за 35,4 проценти во мај во споредба со истиот период минатата година, објави денес руското Министерство за финансии.
Според овие податоци, во петтиот месец Русија заработила 512,7 милијарди рубли (5,7 милијарди евра) од продажба на енергетски производи, додека пред една година изнесувале 793,7 милијарди рубли (8,85 милијарди евра), објави Тасс.
Приходите од нафта и гас се намалиле во периодот од јануари до мај оваа година за 37,4 проценти на годишно ниво, на 4,24 билиони рубли (47,2 милијарди евра).
Даноците за екстракција на минерали и извозните давачки за гас речиси се дуплирале, од 161,1 милијарди рубли (1,75 милијарди евра) минатата година, на 82,4 милијарди рубли (880 милиони евра) во 2025 година.
