Извозот на турската одбранбена и авијациска индустрија порасна за 30% во периодот јануари- ноември 2025 година, достигнувајќи рекордни 7,4 милијарди долари, соопшти денес претседателот на Претседателството за одбранбена индустрија на Туркије (ССБ), Халук Ѓорѓун.

Според податоците, само во ноември извозот на секторот изнесувал 747 милиони долари, што претставува раст од 22% во споредба со овој месец лани. Ѓорѓун на турската платформа НСосијал (NSosyal) истакна дека овој резултат претставува нов рекорд за индустријата.

„Со овој интензитет нашиот сектор собори нов рекорд, не само со растот во ноември туку и со целокупната годишна изведба. Бројките што ги постигнавме во само 11 месеци ги надминаа сите досегашни годишни резултати“, рече Ѓорѓун.

Тој додаде дека индустријата постигнува континуиран раст во производи со висока додадена вредност, го зголемува извозниот капацитет и ја зајакнува конкурентноста на глобалните пазари.

Ѓорѓун изјави дека цел на ССБ е да се зголеми бројот на извозни компании, да се интегрираат малите и средните претпријатија (МСП) во глобалните синџири на снабдување и да се развие одржлив модел на извоз со висока додадена вредност.

„Туркије продолжува решително со силен екосистем што произведува, развива и извезува во одбранбената индустрија“, истакна тој.

Туркије истовремено ги објави и вкупните извозни резултати за ноември, кои покажуваат раст од 2,2% на годишно ниво, достигнувајќи 22,7 милијарди долари.

Претходно денес земјата ги објави своите вкупни бројки за извоз што покажаа зголемување од 2,2% на годишно ниво на 22,7 милијарди долари во ноември.