Рускиот претседател Владимир Путин ја потврди денеска поддршката за Каракас во телефонскиот разговор со својот венецуелски колега, Николас Мадуро.

Во соопштението на Кремљ се вели дека Путин и Мадуро размениле мислења за прашања поврзани со понатамошниот развој на односите во согласност со договорот за стратешко партнерство и соработка што стапи на сила во ноември.

„Владимир Путин изрази солидарност со венецуелскиот народ и ја потврди поддршката за политиките на владата на Мадуро насочени кон заштита на националните интереси и суверенитет во услови на зголемени надворешни притисоци“, се вели во соопштението.

Според соопштението, беше потврдена заедничката посветеност за доследно спроведување на заеднички проекти во трговско-економската, енергетската, финансиската, културно-хуманитарната и други сфери.