Најголемиот спортски спектакл во САД, финалето на НФЛ лигата, познат како Супербоул им припадна на фудбалерите на Сиетл, кои со 29-13 славеа против Њу Ингланд.

Во Санта Клара, Калифорнија, тие ги освоија првите поени од мечот во својот прв напад и го задржаа водството до крајот на натпреварот. Херои на победата се нивната „Темна страна“, одбраната што тренерот Мекдоналд ја тренираше одлично во текот на целата сезона.

За Сиетл ова е втор трофеј во историјата по оној во 2013 година, но и своевиден реванш за Патриотите за поразот во големото финале во 2015 година.

Од друга страна, екипата од Бостон го забележа својот шести пораз во 12. финале.

Првото полувреме мина со малку поени, а првиот тачдаун беше виден во третата четвртина за водство на Сиетл од 19-0. Во последниот период Њу Ингланд успеа да намали на 19-7 и да спречи катастрофа, но следуваше нов тачдаун за Сиетл и убедливи 29-7.

Кога веќе се беше решено, Патриотите успеаја да го ублажат поразот во последните моменти и да го постават конечниот резултат 29-13.

На полувремето од натпреварот во „Халфтајм шоу“, главна ѕвезда беше порториканскиот рапер и пејач Бед Бани, кој стана првиот латиноамерикански соло уметник кој го предводел „Халфтајм шоу“.