Шефот за комуникации при Претедателството на Туркије, Фахретин Алтун во објава на социјалната мрежа „Икс“ порака дека систематските напори на про-израелските групи да ги замолчат гласовите кои го почитуваат човечкиот живот и достоинство во Палестина со лажни обвинувања за антисемитизам се во пораст.

„Таквата активност сега стигна до некои од најугледните академски институции во САД, како што се Харвард, Колумбија, Тафтс и други“, напиша Алтун.

„Целиот свет беше сведок на геноцид во Палестина. Студентите, професорите и луѓето со совест го кренаа својот глас против етничкото чистење, окупацијата и војната. Сојузниците на владата на Нетанјаху на Запад се зафатија со лов на вештерки против таквата интелектуална храброст“, порача тој.

Притисокот на американската влада врз универзитетите, како и отстранувањето на поединци од САД како резултат на нивните мислења и активизам за Палестина, оди во спротивност со основните вредности што Америка ги застапуваше толку долго, смета Алтун и нагласува:

„Ние категорично го отфрламе секој обид да се прикаже пропалестинскиот активизам како антисемитизам. Под водство на претседателот Ердоган, ние секогаш се боревме против антисемитизмот, ксенофобијата и исламофобијата. Ние ќе продолжиме да го правиме тоа. Нема место за омраза во нашите општества.“

Во објавата шефот за комуникации на Туркије ги повика американските и европските академски институции да застанат против неразумните и екстремистички барања за таргетирање на странски студенти и научници врз основа на нивните мислења или активизам.

„Ова е време да се поддржат универзалните вредности без оглед на националното потекло на луѓето“, напиша Алтун.

„Ционистичките групи одамна препознаа дека ја загубија битката за срца и умови во очите на јавното мислење. Тие сега прибегнуваат кон замолчување на легитимната критика и мирниот активизам преку одвратни тактики.“

„Ако успеат, тоа ќе значи изневерување на основните човечки вредности. За среќа, има многу повеќе храбри души ширум светот кои ќе ја зборуваат вистината без разлика на цената. Правдата и мирот ќе надвладеат! Палестина ќе биде слободна!“, порача Алтун.