Të paktën 37 persona kanë vdekur pas një shpërthimi të dyshuar të gazit toksik në një minierë në Zurak, në Zonën e Qeverisjes Lokale Wase të shtetit Plateau në Nigerisë, thanë burime lokale.

Dëshmitarët raportuan se disa minatorë u shpëtuan të gjallë dhe u dërguan në spitale për trajtim të menjëhershëm mjekësor.

“Më informuan se minatorët gërmuan thellë dhe u ekspozuan ndaj një gazi që i vrau 37 prej tyre menjëherë”, tha Shafi Sambo, kryetar i të rinjve të komunitetit në Wase.

Ai shtoi se viktimat po nxirrnin zink në emër të një kompanie që besohet se është në pronësi kineze, megjithëse struktura e pronësisë nuk mund të verifikohej në mënyrë të pavarur në momentin e raportimit.

Forcat e sigurisë morën kontrollin e zonës. “Ushtarakët shkuan atje dhe rrethuan vendin për të ndaluar qasjen dhe për të parandaluar përhapjen”, tha Sambo.

Burime lokale që vizituan zonën, për Anadolu e përshkruan shpërthimin si të papritur.

“Ishte papritur. Një moment po punonin, dhe në momentin tjetër dëgjuam ulërima dhe pamë njerëz që binin. Ishte tmerr”, tha Joseph Ogah, banor i komunitetit. “Disa njerëz ende nuk janë gjetur”, shtoi ai.

Ky incident ka ringjallur shqetësime mbi standardet e sigurisë, përputhshmërinë me mjedisin dhe mbikëqyrjen rregullatore në sektorin e minierave të Nigerisë, veçanërisht në zonat rurale ku minierat joformale dhe gjysmëformale janë të zakonshme.