Një superTokë e re shkëmbore dhe potencialisht e banueshme është zbuluar më pak se 20 vite dritë larg sistemit tonë diellor, raporton Corriere.it.

Planeti, i quajtur “GJ251c”, rrotullohet rreth një ylli të kuq në yjësinë Lynx, brenda të ashtuquajturës “zonë e banueshme”, rajoni ku temperaturat mund të lejojnë ekzistencën e ujit të lëngshëm në sipërfaqe.

Zbulimi u bë nga një ekip ndërkombëtar shkencëtarësh, duke përdorur dy prej spektrografëve më të avancuar në botë: Habitable-Zone Planet Finder (në teleskopin Hobby-Eberly në Teksas) dhe NEID, të instaluar në Observatorin Kombëtar Kitt Peak në Arizona.

Analizat e të dhënave zbuluan lëkundje të vogla në lëvizjen e yllit, të shkaktuara nga forca gravitacionale e një planeti me rreth katër herë masën e Tokës dhe një orbitë 54-ditore.