Dokumentari i fundit mediatik në Prishtinë që shpërfaq anën izraelite dhe përshkruan zhvillimet e 7 tetori të vitit 2023 në Izrael i titulluar “Dhimbja që nuk harrohet” ka hasur ne kritika të shumta nga opinioni publik. Qytetarë të shumtë në rrjetet sociale, përfshirë personalitete fetare dhe publike e kanë cilësuar këtë dokumentar si tejet selektiv dhe se nuk e tregon realitetin e vërtetë nga terreni, sidomos të gjenocidit dhe masakrave të kryera nga ushtria Izraelite në Gaza.

“Pasi e shikova fillim e mbarim, pa emocione dhe pa asnjë anim po ua them se ky ‘Dokumentar’ dhe krejt ky organizim i juaji sonte, vetëm me paanshmeri nuk pati të bëj! Jam i bindur se kushdo që iu ka përcjellur sonte, ka kuptuar se, ju sonte ishit ZËRI i Qeverisë izraelite dhe asgjë më shumë”, shkruan hoxhë Hysamedin Abazi në rrjetin social Facebook.

Paraprakisht reagim për këtë dokumentar pati edhe nga aktori Dardan Gashi.

“Kjo nuk është gazetari, nuk është lajm dhe nuk është as punë profesionale. Kjo është servilizëm i paketuar si dokumentar. Mund ta kuptoj kur dikush punon për përfitim financiar. Por kur hesht për dhjetëra mijëra civilë të vrarë, përfshirë mijëra fëmijë në Gaza, atëherë kjo nuk është më as neutralitet – është përzgjedhje morale”, shkruan aktori Gashi.

Komente të shumta në rrejtet social e kanë cilësuar këtë dokumentar si rreshtimi pro Izrael dhe i njëjti nuk dallon nga të qenit proserb ne vitet e 90-ta

Në promovimin e dokumentarin mbrëmë morën pjesë përfaqësues të ndryshëm të partive poltike në Kosovë, përfshirë institucionesh. Nga afër dokumentarin e ndoqi edhe ambasadorja e Izraelit në Kosovë Tamar Ziv.

Ndryshe, që nga hyrja në fuqi e armëpushimit në Gaza, në sulmet izraelite janë vrarë 486 persona dhe janë plagosur 1.341 të tjerë.

Numri i palestinezëve të vrarë në sulmet e Izraelit në Rripin e Gazës që nga tetori 2023 është rritur në 71.660 ndërsa numri i të plagosurve në 171.419.