Поранешен соработник на Голдман Сакс и претприемач во поморскиот превоз доцна во неделата дојде до ненадејна победа и стана лидер на главната левичарска грчка опозициска партија СИРИЗА.

Триесет и петгодишниот Стефанос Каселакис ја победи поранешната министерка за труд Ефи Ахциоглу во вториот круг од лидерската трка со собирање речиси 57 отсто од гласовите, изјави Јанис Дросос, шеф на Изборната комисија на СИРИЗА.

Имајќи семејни корени од Крит, Каселакис е роден и израснат во Атина. Студирал бизнис и меѓународни односи на Универзитетот во Пенсилванија во САД.

Додека беше студент, тој волонтираше во персоналот на тогашниот сенатор Џо Бајден за претседателските избори во 2008 година.

Во 2009 година, тој работеше во одделот за управување со ризици во заднината на Голдман Сакс.

Подоцна ја основал бродската компанија SwiftBulk.

На 29 август оваа година тој ја објави својата кандидатура за претседател на СИРИЗА.

Во првиот круг од внатрепартиските избори на 17 септември Каселакис беше прв меѓу петте кандидати со 44,91% и околу 66.000 гласови.

Поранешниот претседател на СИРИЗА, Алексис Ципрас на крајот на јуни си поднесе оставка по големиот пораз на партијата на повторените парламентарните избори.